Mark Anthony Pispis
(Kabacan, North Cotabato/ May 22, 2015) ---Nagsagawa ng
Oplan Kolorum ang Traffic Management Unit o TMU sa bayan ng Kabacan kahapon. Sa
panayam ng DXVL news kay TMU head retired Col. Antonio Peralta, inihayag nito
na nakahuli sila ng pitong trysikel, anim na trysikad at sampung single na
motorsiklo.
Aniya karamihan sa inilabag ng mga motorista ay walang
rehistro ang motor, expired ORCR at walang kaukulang driver’s license.
Dagdag pa ng opisyal na noong nakaraang Abril pa sana
ipapatupad ang oplan kolurom ngunit humingi ng palugit ang mga motorista.
Ipinaliwanag din ni Peralta na hindi nila i-aanunsiyo ang joint operation na
panghuhuli ng TMU upang masorpresa ang mga nag-ooperate na hindi sumusunod sa
legal na batas.
Inihayag din ng opisyal na hindi niya iniinda ang mga
pagbabanta sa kanyang buhay simula ng italaga siyang head ng TMU, ito’y alang
alang umano sa kapakanan ng karamihan at para sa katiwasayan ng bayan ng
Kabacan.
Sinagot din ng opisyal ang reklamo hinggil sa
nagto-torno sa terminal ng Brgy.Kilagasan. Sinabi rin ni retired Col. Peralta
na hindi niya papaburan ang mga naghahanap-buhay ng illegal.
0 comments:
Mag-post ng isang Komento