Rhoderick Beñez
(Midsayap,
North Cotabato/ May 20, 2015) ---Patay ang isang 30-anyos na mister habang
binawian din ng buhay sa ospital ang kapitbahay nito na natamaan ng ligaw na
bala makaraang pagbabarilin ang biktima sa panibagong krimen na sumiklab sa
Poblacion 3, Midsayap, North Cotabato pasado ala 1:00 ng madaling araw ng
Miyerkules.
Kinilala ni
Supt. Reinante Delos Santos, hepe ng Midsayap PNP ang biktima na si Joey Ryan
Agustin Quilban, 30-anyos, may asawa at residente ng nabanggit na lugar.
Batay sa
ulat na nakarating kay Delos Santos, nasa loob ng bahay ng kanyang kaibigan na
si alias “Barok Mama” ang biktima ng ito ay pagbabarilin.
Nagtamo ng
maraming tama ng bala sa kanyang katawan ang biktima at sa ulo nito na naging
dahilan ng agaran nitong kamatayan.
Isa pang
biktima ang namatay din ng maisugod sa bahay pagamutan matapos na tamaan ng
ligaw na habang ito ay natutulog sa kalapit bahay kungsaan nangyari ang
pamamaril.
Kinilala ang
biktima na si Alma Liuson Mama, 28-anyos, kasado at resiente rin ng nasabing
lugar.
Narekober sa
pinangyarihan ng insidente ang mga bala ng kalibre .45 na pistol, dalawang
piraso ng empty sachet ng shabu, mga aluminum foil, lighter at improvised
tooter na sinasabing illegal drug paraphernalia.
Patuloy pa
ngayon ang ginagawang imbestigasyon ng Midsayap PNP, upang alamin kung may
kinalaman sa illegal na droga ang nasabing krimen.
0 comments:
Mag-post ng isang Komento