Pagpapasabog sa Compound ng NIA sa bayan ng Midsayap, pananakot umano ayon sa Midsayap PNP

By: Mark Anthony Pispis

(Midsayap, North Cotabato/ April 9, 2015) ---Patuloy pa ngayong inimbestigasyon ng Midsayap PNP ang nangyaring pagsabog ng isang granada sa mismong compound ng National Irrigation Administration sa Brgy. Villarica sa Bayan ng Midsayap alas 5:00 ng madaling araw kahapon.

Ayon kay PSupt. Reynante Delos Santos hepe ng Midsayap PNP sa panayam ng DXVL News, kinumpirma nito na granada ang sumabog at meroon pang  narekober na Improvised Explosive Device sa loob pa rin ng compound.

Anya, nangyari ang pagpapasabog sa kasagsagan ng anibersaryo ng pagkakatatag ng NIA.

Dagdag pa ng opisyal, wala namang natanggap na pagbabanta o natatanggap na text messages ang OIC ng opisina at wala rin umanong namataang mga tao sa lugar ang nakaduty na gwardia sa lugar nang maganap ang insidente ngunit iginiit nito na base sa kanilang ginawang inisyal na imbestigasyon na pananakot lamang ang motibo sa nasabing pagpapasabog.

Samantala, nagkaroon din umano ng shooting incident 30 metro lamang ang layo mula sa pinangyarihan ng pagsabog.

Sa ngayon ay patuloy pa ang ginagawang imbenstigasyon ng Midsayap PNP kung magkakaugnay ba ang nagyaring pagsabog at Shooting Incident at nirerequest narin nila ang mga kuha ng mga CCTV na nakainstall sa vonpound para sa posibleng pagkakilanlan ng mga responsible sa nasabing insidente.