By:
Mark Anthony Pispis
(Kabacan, North Cotabato/ April 8, 2015) ---Kalaboso
ngayon at naghihimas ng malamig na bakal ang isang lalaki matapos itong
mahulihang nagdadala ng ipinagbabawal na gamot sa Brgy. Poblacion ng bayan ng
Kabacan alas 7:00 kamakalawa ng gabi.
Kinilala ni PSI Ronie Cordero ng hepe ng
Kabacan PNP na isang Tony Tejada, 42 anyos, may asawa, magsasaka at resident
eng Purok Masagana sa nasabing barangay.
Nakuha mula sa posisyon ng suspek ang
dalawang sachet ng pinaniniwalaang shabu.
Samantala kalaboso rin ang isa pang lalaki
matapos itong maaktuhang nagdadala rin ng ipinagbabawal na druga sa Tomas
Claudio St. Brgy. Poblacion, ditto sa bayan dakong alas 6:30 ng umaga kahapon.
Kinilala ni PSI Ronie Cordero hepe ng
Kabacan PNP ang suspek na isang Nick Guiamalodin, 29 anyos, binata, unemployed
at resident eng Plang Village 2 sa nasabing barangay.
Ayon sa report, kahinahinala umano ang
ipinapakitang kilos ng suspek at nang nakita ito ng nagrorondang mga pulis ay
nilapitan ito.
Nang malapitan ay nataranta umano ito at
tinanggal nito ang sombrero nito at aksidenteng nahulog mula sa sombrero nito
ang isang maliit na sachet ng pinaniniwalaang Shabu.
Sa ngayon, kapwa nakapiit sa Kabacan PNP
lock-up Cell ang dalawang suspek habang inihahanda ang kasong paglabag sa RA
9165 na isasampa sa mga ito.
0 comments:
Mag-post ng isang Komento