(Magpet, North Cotabato/ April 16, 2015) ---Arestado
ang isang lalaki na sinasabing may warrant of arrest sa paglabag sa Republic
Act 9165 sa Regional Trial Court Branch 18 sa Pagadian City gamit ang pangalang
Edgar Etorma Dela Cruz sa bahagi ng Sitio Pidlanan, Magkaalam, Magpet, dakong
alas 12:45 kahapon ng hapon.
Kinilala ang suspek na si Jun del Carmen
Jr., na sinasabing nanutok rin ng baril kay Gema Tuario, 41-anyos na taga
Barangay Noa ng bayan.
Ayon kay Tuario, galing sila ng Barangay
Manuvu at pauwi na sana nang parahin sila ni Del Carmen kasama ang kanyang
dalawang taong gulang na anak.
Nakiusap umano si Del Carmen na pasakayanin
sila sa motorsiklo ng ginang.
Nagulat na lamang sina Tuario nang tutukan
sila ng patalim ni Del Carmen at kinuha ang kanilang motorsiklo saka tumakas
kasama ang kanyang anak.
Agad rumesponde ang mga pulis at nahuli ang
suspek.
Depensa naman ni Del Carmen, nagawa niyang
tutukan ng kutsilyo sila Tuario upang makasakay sila ng motorsiklo at agad
makauwi. Rhoderick Beñez
0 comments:
Mag-post ng isang Komento