By:
Mark Anthony Pispis
(North Cotabato/ April 6, 2015)
---Pinabulagta ng riding tandem assassins ang isang karpintero habang
nakaligtas naman ang kasama nito sa nasabing pamamaril sa Purok Azucena-A,
Brgy. Pob. Matalam, Cotabato ala 6:35 ng gabi kasagsagan ng paggunita ng Huwebes
Santo.
Kinilala ni PCI Elias Diosma Colonia, hepe
ng Matalam PNP ang biktima na Eric Tayag, 41 anyos, may asawa, isang
karpintero, habang kinilala naman ang isang nasugatan na isang Aldrin Montaño,
35 anyos, may asawa, isang laborer at pawang mga residente ng nasabing lugar.
Lumalabas sa inisyal na imbestigasyon, na
nag-iinuman lamang ang biktima kasama ang 3 iba pa nang bigla na lamang sumulpot
ang riding tamdem sakay sa isang XRM motorcycle, kulay pula, walang plaka at
pinagbabaril ng malapitan ang biktima.
Nagtamo ng 2 tama ng mga bala sa kili-kili
si Tayag na nagresulta sa agaran nitong kamatayan habang sugatan naman ang
kasabay nito sa inuman na si Montaño matapos itong matamaan ng stray bullets.
Agad tumakas ang mga suspek gamit ang
direksyon papuntang Kidapawan City.
Narekober sa crime scene ang 3 basyo ng
kalibre 45 na pistol na siyang pinaniniwalaang uri ng baril na ginamit ng mga suspek.
Rhoderick Beñez
0 comments:
Mag-post ng isang Komento