(Matalam, North Cotabato/ April 13, 2015)
---Patay ang isang habal-habal drayber makaraang pagbabarilin ng di pa
nakilalang suspek sa panibagong krimen na sumiklab sa Purok Santan 2, brgy.
Marbel, Matalam, Cotabato alas 6:40 kagabi.
Sa report ni SPO1 Froilan Gravidez ng
Matalam PNP kinilala ang biktima na si Sammy Naga Angeles, 57-anyos, may asawa
at residente ng nabanggit na lugar.
Batay sa inisyal na pagsisiyasat,
nag-iinuman ang biktima kasama ng dalawa pang kasama nito sa tindahan na
pag-mamay-ari ni Regacho ng nilapitan ito ng suspek at pinagbabaril.
Matapos na maisakatuparan ang masamang
balakin, agad na tumakas ang suspek sa di malamang direksiyon.
Nagtamo ng dalawang tama ng bala sa likod
nito ang biktima dahilan para isugod ito sa Kabacan Medical Specialist pero
ideneklara naman ng mga doctor na dead on arrival.
Malaki ang paniniwala ng Matalam PNP na
personal grudge ang isa sa mga rason ng pagbaril sa suspek na ngayon ay patuloy
pang iniimbestigahan. Rhoderick Beñez
0 comments:
Mag-post ng isang Komento