By:
Mark Anthony Pispis
(Kabacan, North Cotabato/ April 7,
2015) ---Patong patong na kaso ang kakaharapin ng dalawang kalalakihan matapos
itong mahuli sa isinagawang checkpoint ng pinagsanib na pwersa ng Traffic Management
Unit, Barangay Peace Action Team at Kabacan PNP sa Brgy. Osias, Kabacan
Cotabato alas 8:15 kagabi.
Kinilala ni PSI Ronnie cordero, hepe
ng Kabacan PNP ang mga suspek na sina James Villanueva, 45 anyos, may asawa,
dating miyembro ng CAFGU at isang Rolly Dalisay, 42 anyos, may asawa, isang magsasaka
na pawang mga residente ng Brgy. New Antique sa bayan ng Mlang, North Cotabato.
Batay sa report, lulan ng motorsiklo
ang mga suspek ng mahuli sa isinagawang checkpoint ng PNP sa bahagi ng Brgy.
Osias.
Una ng naispatan ang mga ito mula sa
Purok Saranay na may salikbit na baril dahilan para ikasa ng PNP ang oplan
Kapkap Bakal.
Nakuha mula sa posisyon ni Villanueva
ang isang kalibre .45 na baril at mga bala bukod pa, sa illegal na droga.
Narekober din kay Dalisay ang isa
pang kalibre .45 na baril.
Nang hanapan ng kaukulang papeles ang
mga ito, bigong makapag-presinta ang mga suspek bagay namang inaresto ang mga
ito.
Sa ngayon nahaharapa sa kasong
paglabag sa RA 10591 “Comprehensive Firearms and Ammunition Regulation Act” at
RA 9165. O Comprehensive Dangerous Drugs Act of 2002.
0 comments:
Mag-post ng isang Komento