AMAS, Kidapawan City (April 13) – Nagwagi
ang Cotabato Provincial Hospital o CPH ang 2nd Place sa National Search for
Gawad Kalasag 2015 – Provincial Hospital Category.
Ginanap ang awarding ceremony sa General
Santos City noong March 31, 2015.
Si Cot Provincial Planning and Development
Office o PPDO OIC at Provincial Risk Reduction and Management Operations Center
o PDRRMOC Action Officer Cynthia Ortega ang tumanggap ng parangal kasama si 2nd
District of Cot Board Member Noel S. Baynosa Jr.
Tinanggap ng dalawa ang Plaque of
Recognition at tseke na nagkakahalaga ng P75,000 mula kina Office of Civil
Defense o OCD 12 Chief Jerome Barranco
at OCD 12 Chief for Operations Roy Dorado.
Nasungkit naman ng Camiguin Provincial
Hospital ang 1st Place sa naturang kategorya.
Nasungkit ng CPH ang ikalawang puwesto dahil
sa mahusay na implementasyon ng disaster risk reduction and management programs
at ang epektibong pakikipag-ugnayan nito sa mga stakeholders sa pagpapatupad ng
mga ito.
Ito ay alinsunod sa pinaiiral na National
Disaster Risk Reduction Programs ng pamahalaan kung saan katuwang ng CPH ang
Cot PDRRMOC at ang North Cot Emergency Response Team o NCERT.
Una ng nagwagi ang CPH bilang 1st Placer sa
Search for Gawad Kalasag Award Regional Level – Provincial Hospital Category
noong Aug. 5, 2014 kung saan tinalo nito ang iba pang mga provincial hospitals
sa Region 12 na lumahok sa search.
Kaugnay nito, natutuwa si Gov. Emmylou
“Lala” J. Taliño-Mendoza sa tagumpay ng CPH sa larangan ng disaster
preparedness and response.
Ayon sa gobernadora, maliban sa paggamot ng
mga maysakit , ginagawa din ng CPH ang lahat ng makakaya nito upang maging
handa sa pagdating ng mga kalamidad maging ito man ay manmade o natural.
Kaya naman malawak na suporta ang
ipinagkakaloob ng Provincial Government of Cotabato sa mga disaster programs ng
PDRRMOC dagdag pa ng gobernadora.
Pinuri din ni Gov. Taliño-Mendoza ang mga
partners ng CPH sa pagpapatupad ng mga DRRM programs tulad ng mga national line
agencies, private organizations at iba pang sektor.
Dagdag pa niya, malaki ang magagawa ng
sama-sama at pagtutulungan upang matiyak ang kahandaan ng mga government
institutions sa pagharap sa mga sakuna. (JIMMY STA. CRUZ-PGO Media Center)
0 comments:
Mag-post ng isang Komento