(Maguindanao/ April 14, 2015) ---Nanatiling
naka alerto ang 6th ID Philippine Army matapos pasabugan ng pinaniniwalaang
miembro ng Bangsamoro Islamic Freedom Figthers o BIFF ang convoy ng militar sa Sitio Lining, Barangay
Salbu, Datu Saudi Ampatuan, Maguindanao kamakalawa ng hapon.
Ayon kay 6ID Divison Public Affairs
Office Chief Captain Joanne Petinglay papunta sana ang 21st Mechanized Company
sa kanilang Headquarters sa Barangay Bagan, Guindulungan nang sumabog ang isang
Improvised Explosive Device o IED sa dinadaanan ng mga ito.
Naniniwala si Petinglay na target
talaga ng BIFF ang militar sa naturang pagsabog.
Matapos naman ang malakas na
pagsabog, inatake na umano ng BIFF ang militar at nagkapalitan ng putok ang
dalawang grupo na umabot ng halos 20 minuto.
Gayunman, kinumpirma ni Petinglay na
wala namang nasaktan o nasugatan sa kanilang hanay.
Ayon pa kay Petinglay, ang nasabing
insidente ay nangangahuluhan lamang na nariyan pa rin ang presensya ng BIFF sa
area ng 6th ID na patuloy na naghahasik ng kaguluhan sa lugar.
0 comments:
Mag-post ng isang Komento