By:
Mark Anthony Pispis
(Kidapawan City/ April 20, 2015) ---Gutom
at hirap ang tumulak sa limang mga kasapi ng New People’s Army o NPA kaya nagbalik
loob sila sa pamahalaan kamakalawa.
Ayon kay 57th Infantry Battalion
Spokesperson Capt. Jay Cabatic, 3 mula sa mga ito ay nanggaling sa Pulang
Bagani Command 2 sa ilalim ng Sub-Regional Command na nag ooperate sa Brgy.
Manobisa, Imamaling, Don Panaca at Manobo sa bayan ng Magpet, North Cotabato.
Anya sumuko umano ang mga ito dahil
sa hirap ng buhay na nararanasan ng mga ito habang nasa kabilang panig matapos
na unti-unti ng nawawalan ng supporta mula sa taong bayan at gusto na ng mga
ito na mamuhay ng normal kasama ang kanilang mga mahal sa buhay.
Dagdag pa ng opisyal, dalawa sa
kanilang mga kasama na buhat sa bayan ng Makilala ay una ng sumuko sa
pamahalaan.
Bagamat sumuko ang mga ito ng walang
dalang armas, meroon naman umanong dokumentong magpapatunay na ang mga ito ay
talagang miyembro ng makakaliwang grupo.
Samantala nakatakda namang ipamahagi
sa mga sumuko ang Livelihood Assistance Package na programa ng gobyerno para sa
mga miyembro ng makakaliwang grupo ng nagbabalik loob sa gobyerno.
0 comments:
Mag-post ng isang Komento