By: Mark Anthony Pispis
(USM, Kabacan, North Cotabato/ March
5, 2015) ---Kampante ngayon ang pamunuan ng USM ROTC Unit na maibabalik ang
korona ng kampeonato makaraan ang mahigit isang dekada sa Regional Annual
Administrative Tactical Inspection matapos silang makakuha ng pinakamataas na
puntos sa ginawang Tactical Inspection sa USM Quadrangle kahapon.
Ito ayon kay USM ROTC Unit Taining
NCO Staff Sergeant Joevanie Taño sa ginawang panayam ng DXVL News, nakakuha
sila 97.831% na total Score Score na siyang nangunguna ngayon.
Anya ang pinakamabigat na kanilang
kalaban ay ang Sultan Kudarat State University ngunit natalo nila ito at hinihintay
nalang ang resulta sa gagawing tactical inspection sa Cotabato Foundation
Sceince and Technology ngayong araw.
Dagdag pa ng opisyal na mahigit isang
dekada na ang nakakalipas mula ng maging kampeon ang USM ROTC Unit simula ng
maging kampeon ito taong 1998, 2000 at 2002 at naging 3rd Placer pa
sa National Tactical Inspection noong taon 1998 at simula noong taong 2003 ay
hindi na naibalik pa.
Ang USM ROTC Unit ay natatag noong taong
1955 sa dating Mindanao Institute of Technology o mas kilala sa tawag na MIT
ROTC Unit.
Nakahanda naman umano ang kanilang
hanay kung sakaling sila na nga ang magiging pambato sa National Tactical
Inspection ngayong taon.
Nagpasalamat naman ang opisyal sa mga
estudyanteng kumuha ng ROTC para sa nakamit nitong tagumpay kasabay narin ang
paganyaya sa mga incoming first year na magpapaenrol sa pamantasan na sumali sa
kanilang hanay.
0 comments:
Mag-post ng isang Komento