By: Mark Anthony Pispis
(Kabacan, North Cotabato/ February
27, 2015) ---Narekober ang ninakaw na trycicle sa bayan ng Kabacan at kalaboso
rin ang responsable sa Bayan ng Columbio, Sultan Kudarat kahapon.
Ayon kay PCI Ernor Melgarejo sa
Panayam ng DXVL News, kinialala nito ang suspek na isang Kamaru Pututan na
residente ng Datu Paglas, lalawigan ng Maguindanao.
Lumalabas sa inisyal na imbestigasyon
na dinala umano ng suspek ang sasakyan sa bahay ng asawa nito sa nasabing
bayan.
Dagdag pa ng opisyal na nakatanggap
umano sila ng impormasyon mula sa Columbio Municipal Police Station na meroong
narekober ang mga Brgy. Officials ng Brgy. Nasak sa bayan ng Columbio na
kahinahinalang trycicle na kulay kahel o orange.
Patung-patong na kaso ang kakaharapin
ng suspek matapos itong sampahan ng illegal position of Fire-arms ng Columbio
PNP at kasong carnapping ng Kabacan PNP.
Sa ngayon ay naiturn over na sa
may-ari ang nasabing sasakyan at nasa kustodiya ng Columbio MPS ang suspek at
naghihimas ng malamig na rehas na bakal.
Matatandaang naiulat din ditto sa
himpilan ang pagnakaw ng nasabing trycicle sa harapan ng Anulao Hospital noong
araw ng lunes February 23.
Nakaparada lang umano ito at
pagkaraan ng ilang sandali ay bigla na lang nawawawala.
Nagpasalamat naman ang opisyal sa
tulong ng LGU ng Kabacan sa gastusin sa pagkuha ng nasabing sasakyan na isa sa
mga liblib na Brgy. ng nasabing bayan.
0 comments:
Mag-post ng isang Komento