By: Christine Limos
(Kabacan, North Cotabato/ March 2,
2015) ---Hinamon ng Bangsamoro Islamic Freedom Fighters o BIFF spokesperson Abu
Misri Mama si AFP Chief General Gregorio Pio Catapang Jr. na kung tunay umano
itong matapang ay sumama o umanib sa grupo ng BIFF.
Kung hindi umano ito umanib ay duwag
daw umano ito. Ito ang mariing pronouncement na inihayag ni Abu Misri Mama sa
panayam ng DXVL news.
Inihayag din ni Mama na wala umano sa
bokabularyo ng BIFF ang sumuko at bakit daw susuko at wala daw umanong namatay
sa grupo nila dahil pinoprotektahan umano sila ni Allah. Dagdag pa niya na nag
ambush daw umano sila ng dalawang tangke ng AFP.
Ipinaliwanag din ni Mama na bala lang
daw ang isasauli nila sa gobyerno at hindi nila isasauli ang mga baril ng
fallen 44 dahil bawal daw umano sa Islam ang isauli ang nakuha sa kalaban.
Sinabi din niya na kung sa boxing daw umano ay knock down talaga ang SAF. Sa
kanila daw umano ang belt at hindi nila isasauli.
Hindi rin direktang sinagot ni Mama kung
gaano kalakas ang kanilang mga baril at kung gaano sila karami. Aniya ang
importante ay lumalaban sila. Mariiin ding sinabi ni Mama na kung aanib sa
kanila ang MILF ay hihingian nila ng qualification pero hinding hindi umano
sila aanib sa MILF.
Dagdag pa ni Mama na ang AFP umano
ang terorista at kayang kaya daw umanong lusubin ng BIFF ang buong Mindanao.
0 comments:
Mag-post ng isang Komento