(North Cotabato/ March 11, 2015) ---Halos
plantsado na ang mga preparasyon para sa State of the Province Address o SOPA
ni Gov. Emmylou “Lala” J. Taliño-Mendoza na gaganapin sa Makilala Municipal Gym
sa March 17, 2015 ganap na alas-nuwebe umaga.
Sa final meeting ng Technical Working Group
o TWG para sa SOPA 2015 noong March 5, 2015, isinapinal na ang mga importanteng
bagay upang matiyak ang mapayapa at malabuluhang paghahatid ng SOPA ng
gobernadora.
Ayon kay Vergelita Guillaran, Provincial
Social Welfare and Development Officer ng Cotabato at siyang Vice Chairman ng
SOPA 2015 TWG, inaasahan ang pagdalo ng abot sa 5,000 katao o higit pa sa
naturang aktibidad kaya’t pangunahing concern ay ang seguridad ng mga dadalo sa
SOPA.
Inilatag naman ni Sr. Inspector Ramil
Hojilla, Chief ng Intelligence and Operations Division ng Cot Police Provincial
Office o CPPO ang security plan at security measures kung saan mahigpit na
ipatutupad ang security check at traffic para sa mga dadalo sa SOPA.
Inaasahan ang pagdalo ng mga matataas na
opisyal mula sa kalapit na mga lalawigan at lungsod sa Region 12 tulad ng
governors, vice governors, mayors, vice-mayors, mga heads of national line
agencies, representatives ng academe, health at business sectors,
non-government organizations, peoples organizations, mga department heads ng
kapitolyo, local at national media at maraming pang iba.
Inaasahan din ang pagdating ni Bb.
Pilipinas-Universe 2014 at Top 10 Finalist for Miss Universe 2014 MJ Lastimosa
na tubong Tulunan, Cotabato.
Gaganapin ang isang banal na misa bago
simulan ni Gov. Taliño-Mendoza ang kanyang SOPA sa loob ng Makilala Municipal
gym at dahil abot lang sa 2,700 ang maaaring makapasok ay maglalagay naman ng
mga sound system at wide screens sa labas upang mapakinggan at mapanood ang
SOPA.
Laman ng SOPA ang mga programa at proyektong
naipatupad ni Gov. Taliño-Mendoza para sa nagdaang 2014 at ang mga ipinatutupad
sa kasalukuyan ganun din ang mga nakatakdang gawin ng kanyang administrasyon sa
susunod na mga taon.
Sa pamamagitan ng SOPA, nais ipabatid ng
gobernadora sa mga mamamayan ng Cotabato ang mga konkretong hakbang na ginawa
ng pamahalaang panlalawigan upang mabago ang antas ng pamumuhay ng mga
mamamayan lalo na ang mga mahihirap sa ilalim ng adbokasiyang “Serbisyong
Totoo”. (JIMMY STA. CRUZ-PGO Media Center)
0 comments:
Mag-post ng isang Komento