Opensiba ng Militar laban sa BIFF, patuloy pa rin

By: Christine Limos

(Kabacan, North Cotabato/ March 2, 2015) ---Nagsagawa ng all out offensive operation ang tropa ng militar ng 6^th Infantry Division laban sa grupo ng Bangsamoro Islamic freedom fighters o BIFF noong Biyernes.

Sa panayam ng DXVL news kay Cpt. Joanne Petinglay spokesperson ng 6^th Infantry Division inihayag nitong may namataan umanong mga armadong grupo ang mga residente kung kayat nagsilikas ang mga ito sa boundary ng Datu Unsay Maguindanao at Datu Saudi Ampatuan na nagdulot ng trapiko at pansamantalang pagsara ng Cotabato-Gensan highway.

Inihayag din ng opisyal na bandang alas tres ng hapon noong Biyernes ay nabuksan na ang nasabing Highway.

Dagdag pa ng opisyal na walang time line kung hanggang kailan ang all out offensive operation laban sa BIFF ngunit inihayag ni Cpt. Petinglay na nagbigay ng direktiba ang 6ID commander na si Major General Eduardo Pangilinan na gawin ang all out offensive operation ng habang mas maaga upang maibalik sa normal ang pamumuhay ng mga residente.

Ang naturang operation umano ay alinsunod sa direktiba ni AFP chief General Gregorio Pio Catapang Jr.

Ipinaliwanag din ni Cpt. Petinglay na tuloy-tuloy ang opensiba at may specific na target pa na pupuntahan ang tropa ng AFP.

Sa pag-tantiya ng mga sundalo nasa  mahigit kumulang tatlong daan umano ang dami ng miyembro ng armadong BIFF.

Samantala, sa pag-umpisa ng opensiba ng military laban sa mga rebeldeng BIFF sa Maguindanao, tatlo ang naiulat na nasugatan sa tropa ng pamahalaan at kinukumpirma naman ng pamunuan ng Philippine Army ang ulat na anim na BIFF ang namatay.

Hindi naman makapagbigay ng pahayag ni Captain Petinglay, ito dahil sa nililibing naman agad ng mga kasamahan nilang BIFF ang mga namatay na miyembro nila, ayon sa ulat sa ground.

Nagsagawa na ng imbestigasyon ang Phil Army 6th ID tungkol sa umanoy bintang sa kanila na ninakawan ng ilang sundalo na nagsagawa ng operasyon sa Datu Unsay Maguindanao ang ilang mga bahay doon.

Sinabi ni 6th ID DPAO Chief Captain Joanne Petinglay na lumalabas na hindi totoong ninakawan ng mga sundalo ang mga naiwang mga bahay sa bayan ng Datu Unsay matapos umalis ang mga ito sa lugar.

Sa isinagawang imbestigasyon ng militar, unang lumikas ang mga residente ng Datu Unsay matapos makita ang presensya ng grupong Bangsamoro Islamic Freedon Fighters o BIFF bago paman naka rating doon ang militar.

Ayon kay Petinglay, nakausap nila kahapon ang baranggay officials sa lugar at sinasabing hindi naman sundalo ang kanilang pinagbebentangan sa nangyari.

Hawak ngayon ng militar ang certificate na pirmado ng mga barangay officials at ilang residente na nagsasabing hindi sila ang nagbentang na sundalo- at mga sundalo ang nagnakaw sa kanilang mga gamit.

Nangyari umano ang insidnte matapos tuluyang isinagawa ng Joint Task Force Philippine National Police at AFP ang All out offensive opeation laban sa BIFF.

Una rito ilan sa mga inilikas na residente mula sa Datu Unsay ang bumalik na sa kani-kanilang bahay pero wala na ang ilan sa kanilang mga personal na gamit, produktong petrolyo, grocery items at mga alagang hayop at sundalo ang kanilang pinagbibintangan.

Sa ngayon patuloy na naka alerto ang buong tropa ng militar laban sa BIFF.