By: Christine Limos
(Kabacan, North
Cotabato/ March 3, 2015) ---Nakubkob ng militar ng 6th Infantry
Division ang pagawaan ng Improvised Explosive Device o IED ng Bangsamoro
Islamic Freedom Fighters o BIFF sa Brgy. Dasikil Mamasapano, Maguindanao
kamakalawa ng tanghali.
Ito ang inihayag ni 6th ID spokesperson
Captain Joanne Petinglay sa panayam ng DXVL news.
Aniya, may lawak na
tatlong hektarya ang kampo na pinamumunuan ni kumander Ustadz Mohammad Ali
Tambako.
Ang kampo umano ay may mga kabahayan at may walong kubo kubo na kanilang
tinutulugan.
Inihayag din ng
opisyal na nakumpiska sa kampo ang ibat ibang mga war materials, mga gamit sa
paggawa ng IED tulad ng ammonium nitrate, mga magasin at mga bala pati na rin
kasuotang militar at uniporme ng BIFF.
Samantala, sinabi
din ng opisyal na tuloy tuloy ang ginagawang all out offensive operation at
tumutulong din ang lahat ng stake holders hindi lamang mga kapulisan kundi sumusuporta
din ang mga local executives at ibang mga grupo na lumalaban sa terorismo.
Ang ginagawang
operation umano ay sinisigurong specific ang target bago magbitaw ng artillery.
Dapat umano ay focus at alam kung saan ang target.
Hindi lang daw
kinakanlong ng BIFF si Basit Usman kundi talagang miyembro umano ito ng BIFF
noon pang magseparate sa walong state command ang BIFF. Dagdag pa ni Cpt.
Petinglay na ang ibang kasamahan nila ay sangkot sa paggawa ng bomba at
pagtatanim ng IED sa Mlang, Kidapawan at Kabacan.
0 comments:
Mag-post ng isang Komento