(Pikit, North Cotabato/ March 12, 2015) ---Muling
ginulantang ng malakas na pagsabog ang ilang mag residente sa National Highway
ng Sitio Village, Brgy. Batulawan, Pikit, Cotabato mag-aalas 8:00 kagabi.
Sa panayam ng DXVL News kay PInsp. Sindato
Karim, hepe ng Pikit PNP na wala namang may naiulat na nasugatan o nasawi sa
nasabing pagsabog ng Improvised Explosive Device o IED kahit pa man na matao
ang nasabing lugar.
Ang lugar kungsaan nangyari ang pagsabog ng
IED ay isangdaang metro lamang ang layo mula sa detachment ng 7th
IB, PA at ng joint PNP elements at ng Task Force Pikit.
Narekober sa pinangyarihan ng insidente ang
ilang IED component kagaya ng shrapnel na concrete nails at bote ng battery
solution.
Nagpapatuloy pa ang ginagawang imbestigasyon
ng Pikit PNP at ng mga sundalo sa panibago na namang pagsabog.
Matatandaan na noong Lunes ng gabi ay isa
ring IED ang sumabog sa bahagi ng Sitio
Buisan, Brgy. Batulawan, Pikit, Cotabato.
Ito na ang ikalawang beses na pagpapasabog
ng IED sa bayan ng Pikit sa loob ng linggong ito. Rhoderick Beñez
0 comments:
Mag-post ng isang Komento