DepED North Cotabato, iginiit na voluntary basis ang mga singilin sa mga pampublikong paaralan

By: Rhoderick Beñez

(Kabacan, North Cotabato/ March 6, 2015) ---Inireklamo ng isang magulang ang mataas na bayarin sa isang Classroom ng Kabacan Pilot Central Elementary School ang kanilang Homeroom PTA Project na umaabot ng P500.00 bukod pa sa Monthly due na higit sa P100.00.

Aniya masyado na umanong mahal ang naturang halaga para sa isang estudyante ng grade.

Iginiit nitong, kaya nga niya pinaaral sa pampublikong eskwelahan ang anak dahil sa mura at libre ang matrikula dito.

Ayon naman kay Armando Saldivar Jr., Homeroom PTA Pres. Sa KAbacan Pilot Central School na bago nila ipinatupad ang nasabing babayarin ay napag-usapan ito sa kanilang PTA meeting at hindi lamang ito ipinatupad ng isang guro o adviser ngmga mag-aaral kundi kasama na ditto angmga guardian at mga magulang.

Aniya, bakit noong nagpatawag sila ng meeting, bakit hindi tumutol ang Ginang sa naturang panukala ng mag-isang taon na ito.

Giit pa niya na ang P500 ay proyekto na iiwan ng batch ng mga estudyante sa kanilang eskwelahan at ang Monthly due naman ay mapupunta dun sa maglilinis na janitor at iba pa.

Samantala, ipinaliwanag naman ni North Cotabato Schools Division Supt. Omar Obas na ang mga babayarin sa eskwelahan ay voluntary basis lamang.

Sa panayam ng DXVL News, sinabi ng opisyal na ipinagbabawal ang mga guro at angmga opisyal ng paaralan na magsingil ng mga babayarin.

Pero ang PTA, na siyang katuwang ng bawat paaralan upang maaunlad ang mga eskwelahan ay nakadepende na sa kanila kung anu yung kanilang pag-uusapan sa halaga na pagkakasunduan ng mga ito.

Gayunpaman, iginiit ni Obas na anumang bayarin sa Deped ay voluntary Basis lamang.