By: Christine Limos
(Kabacan, North Cotabato/ March 19,
2015) ---Patuloy ang ginigawang pakikipag-ugnayan ng Department of Agriculture
Region 12 sa mga Lokal na Pamahalaan sa buong rehiyon 12 para sa ayudang
ipamimigay sa mga sakahan ng mga magsasakang matinding naapektuhan ng tagtuyot
ngayong taon.
Sa panayam ng DXVL News kay Department
of Agriculture 12 Regional Executive Director Amalia Jayag Datukan na dapat ay
makipag-ugnayan ang mga magsasakang naapektuhan ang pananim sa matinding
tagtuyot sa kanilang Municipal Agricultural Office o sa mga LGUs.
Ito upang mabigyan ang lahat ng mga
magsasakang nangangailangan ng tulong.
Aniya basi sa kanilang
pakikipag-ugnayan sa PAG-ASA nabatid na noon pang buwan ng Pebrero huling
nakaranas ng pag-ulan sa Rehiyon.
Umaasa naman ang opisyal na uulanin
ang rehiyon sa pangalawang lingo ng buwan ng Abril, batay naman sa pagtaya ng
PAGASA.
Dagdag pa ng Director na patuloy
umano ang kanilang ginagawang monitoring sa sitwasyon ng pananim sa Rehiyon sa
tulong ng LGUs.
Sa North Cotabato, ang bayan pa
lamang ng Alamada at Banisilan ang nakapag-sumite ng kanilang datos sa mga
danyos ng tagtuyot sa lugar.
Bagama’t hindi nabanggit ng opisyal
ang kabuuang bilang ng ektaryang naapektuhan ay isinaad naman nito na ang mga
tanim na ito ay ang mga pananim ay mga plantation crops kagaya ng mais at
saging.
Dagdag pa ng opisyal na 90% umano ng
pananim na palay sa lalawigan ang naani na simula ng pumasok ang tag-tuyot at
hindi gaanong kalakihan ang naitalang pinsala mula rito.
Nagbigay naman ng payo ang opisyal sa
mga magsasaka ngayong nararanasan ang drought season.
Una ay iwasang magtanim, kung may
naitanim man ay isalba kung meroon pang pwedeng masalba habang pwede pang
mapakinabangan ang mga ito.
Mag tanim ng Alternative crops,
makipag ugnayan sa Agriculture Extension Workers sa kanilang mga lugar at sa
opisina sa Municipal Agriculture upang mabigyan ng tulong.
0 comments:
Mag-post ng isang Komento