(North Cotabato/ March 10, 2015) ---Umaabot
na sa mahigit 70 mga Bangsamoro Islamic Freedom Fighters o BIFF ang napatay
habang 30 naman ang nasugatan simula nang ilunsad ng Armed Forces of the
Philippines (AFP) ang all out offensive laban sa rebeldeng grupo.
Ito ang sinabi ni Phil. Army's 6th ID
Division Public Affairs Office Chief Captain Joan Petinglay sa panayam sa kanya
ng DXVL News Radyo ng Bayan sa programang Periodiko Express.
Kinumpirma din ng opisyal na apat namang
sundalo ang napatay sa panig ng militar kabilang ang isang opisyal ng 6th Scout
Ranger Company at nasa 29 ang sugatan.
Sinabi ni Petinglay, na nagtala ng casualties
ang militar sa pinakahuling labanan partikular nitong weekend nang makasagupa
ng mga sundalong Army Scout Ranger at Army 33rd Infantry Battalion ang mga
miyembro ng BIFF sa may Barangay Muslim, Guindulungan, Maguindanao. Rhoderick Beñez
0 comments:
Mag-post ng isang Komento