Rhoderick
Beñez
 |
Photo by:
Benny Queman
|
(Libungan, North Cotabato/ March 16, 2015) -–
Tatlo-katao ang namatay habang dalawa naman ang sugatan sa naganap na road
mishap sa Barangay Sinawingan, bayan ng Libungan, North Cotabato kamakalawa ng
hapon.
Kinilala ni P/Senior Insp. Jojet Nicolas,
hepe ng Libungan PNP ang mga namatay na sina Engr. Soriano Mastura, 24, kawani
ng DSWD-ARMM na driver ng itim na Hilux pick-up truck; Dave Matala na nakaupo
katabi ng driver’s seat na kapwa taga- Cotabato City; at si Sheila Gatoc, 27,
ng Barangay Sinawingan. Sugatan naman sina Abdul Malik Ogokun at Adrian
Dimatingcal na nakasakay sa likuran ng pick-up ni Mastura.
Base sa police report, nawalan ng control sa
manibela si Mastura nang mag-overtake ito sa isang fish cart kaya nasalpok si
Gatoc na nagwawalis sa gilid ng kalsada.
Nagtuluy-tuloy ang sasakyan ni Mastura sa
mga punungkahoy kung saan nahagip ang pader ng klasrum ng Sinawingan Elementary
School.
Napag-alamang papauwi na sa Cotabato City
ang mga biktima mula sa Davao City nang makasalubong si kamatayan.
0 comments:
Mag-post ng isang Komento