(Cotabato City/ February 26, 2015) ---Bumagsak
sa kamay ng mga otoridad ang pinaniniwalaang bigtime na Tulak Droga sa Cotabato
City pasado alas 6:00 kahapon ng umaga.
Kinilala ni PDEA ARMM Director Filemon Ruiz
ang suspek na Mona Musa Bagundang alias Bai na taga Boliao 2, Mother Barangay
Poblacion, Cotabato City.
Natiklo ang suspek sa isinagawang drug buy
bust operation ng PDEA-ARMM sa bisa ng warrant of arrest na isinilbi ni Hon.
Judge Bansawan Ibrahin ng RTC branch 13 - Cotabato City.
Nakuha mula kay Bagundang ang mahigit
dalawang daang gramo ng shabu na nagkakahalaga ng One Million Three Hundred
Thousand pesos, isang digital weighing scale, isang box ng plastic transparent
container, ilang drug paraphernalia at isang M-16A1 riffle.
Si Bagundang ay matagal nang minamanmanan ng
mga otoridad na umanoy sangkot sa pagbebenta ng ilegal na droga sa ilang bahagi
ng Maguindanao, North Cotabato, South Cotabato at Davao Region.
Kaugnay nito kakaharapin ng suspek ang kasong
paglabag sa RA 9165 at RA 10951 na inihahanda ng otoridad laban sa kanya. Rhoderick Beñez
0 comments:
Mag-post ng isang Komento