(USM, Kabacan, North Cotabato/ January 8,
2015) ---Aminado si University of Southern Mindanao o USM President Dr.
Francisco Gil Garcia na nagdaranas ng kakulangan sa faculty ang USM at iba pang
state universities hindi lamang sa faculty kundi kakulangan din sa Plantilla
items.
Ginawa ng Pangulo ang reaksiyon sa DXVL News matapos ang ginawang panukala ni Congressman Roman
Romulo at ng kanyang mga komitiba na bigyan ng dagdag na items ang state
universities and colleges dahil ang karamihan sa mga empleyado nito ay Contract
of Service o COS lamang.
Inihayag din ng Pangulo na sa teaching
lamang ay mayroong mahigit dalawang daang items na contract of service o COS at
hindi pinupondohan ng pamahalaang nasyunal ang pasahod sa mga ito bagkus ito ay
nagmumula sa tuition fee na ibinabayad ng mga estudyante ng USM.
Umaasa din si USM Pres. Garcia na sa
darating na 2016 ay mabigyan ng mga bagong dagdag na plantilla items ang
Pamantasan.
Samantala, nangako ng dagdag na pondo ang
Philippine Association of State Universities and Colleges o PASUC sa University
of Southern Mindanao at iba pang state universities and colleges para sa mga
bagong pasilidad.
Tatanggap naman ang USM ng capital outlay na
nagkakahalaga ng 38.3 milyon na nakalaan para sa pagpapatayo ng 3 story
building at pagbili ng mga modernong scientific equipments. Rhoderick Beñez and Christine Limos
0 comments:
Mag-post ng isang Komento