Umento sa sahod ng mga Contract of Service na Faculty ng USM, inilarga na!

(USM, Kabacan, North Cotabato/ January 7, 2015) ---Inihayag ni USM President Francisco Gil N. Garcia ang pagkakaroon ng improvement sa instruction sa Pamantasan.

Pangunahin na dito ang pagtaas ng rate ng mga USM faculty members na kung dati ay P10,000 kada buwan lamang mula noong taong 2008 ay naitaas na ito sa P13,000 kada buwan.

Tinalakay rin ni USM president ang pagbaba ng oras ng serbisyo na dapat gugulin ng isang faculty member kada linggo. Kung dati ay 40- oras ay 27- oras na lamang ngayon. 

Nilinaw naman ni USM president na kung ang isang faculty member ay tumatanggap ng sahod na P13,000 kada bwan ay 27- oras lamang kada linggo ang dapat niyang gugulin sa serbisyo.

Bukod dito, isa sa mga tinutukan ni University of Southern Mindanao President Francisco Gil N. Garcia ay ang pagkakaroon ng mga proyekto ukol sa pagpapaganda at pagsasaayos ng mga pasilidad sa loob ng unibersidad.

Isa na dito ay ang pagpapaayos ng College of Business and Development Economic and Management o CDBEM.

Tinalakay din ni USM president Garcia ang tungkol sa pagpapagawa ng ‘shed for students’.

Ayon kay president, ito ay upang ang mga estudyante ay hindi gaanong maulanan at mainitan kapag sila ay naglalakad.

Dadag rin nya, sisikapin rin daw umano na ito ay madugtungan pa papuntang gymnasium. USM Devcom Intern Lorie Joy Dela Cruz