(Pikit, North Cotabato/ January 14, 2015)
---Napaslang ang isang 32-anyos na lalaki na sinasabing tulak droga matapos na
manlaban sa mga otoridad sa Brgy. Batulawan, Pikit, North Cotabato alas 2:40
kahapon ng hapon.
Kinilala ni Task Force Pikit Commander Supt.
Jordine Maribojo, ang suspek na napatay na si Misuari Mulod, 32-anyos at
residente ng brgy. Lagundi ng nasabing bayan.
Ayon sa ulat, habang nagsasagawa ng check
point ang mga elemento ng Task Force Pikit sa itinatag na Buisan based
detachment kanilang pinara ang dalawa katao na lulan ng motorsiklo na walang
plaka.
Sa halip na huminto sa detachment, humarurot
ng takbo ang mga suspek at tinakasan ang mga pulisya at militar.
Agad namang hinabol ng mga otoridad ang
tumakas na mga suspek pero nagpaputok ng una ang mga suspek dahilan para
gumanti rin ng putok ang tropa ng pamahalaan.
Isa sa mga suspek nagtamo ng tama ng bala sa
kanyang katawan habang ang isa naman ay nagawa pang makatakas.
Ayon sa ulat naisugod pa sa bahay pagamutan
ang sugatan suspek pero di na ito ng umabot pa ng buhay sa ospital.
Ang suspek na kinilalang si Mulod ay may dalawang
standing warrant kaugnay sa paglabag sa RA 9165 na inisyu ng RTC branch 18.
Samantala ang motorsiklo na ginamit ng mga
suspek ay nasa kustodiya pa ngayon ng Pikit PNP para sa masusing imbestigasyon.
Rhoderick Beñez
0 comments:
Mag-post ng isang Komento