(North Cotabato/ January 14, 2015)
---Pinasabugan ng mga di pa nakilalang mga salarin ang transmission line ng
National Grid Corporation of the Philippines o NGCP sa Pagalungan, Maguindanao
alas 8:45 kagabi.
Sa report, ang nasabing pinabagsak na tore
ay ang tower 26 ng NGCP sa Brgy. Galakit na nagdulot naman ng malawaking
brownout sa central Mindanao.
Wala pang grupo o indibidwal na umako sa
pagpapasabog subalit napag-alaman na maraming grupo ng mga rebelde ang
kumikilos sa nasabing lugar.
Pinaniniwalaan na gawa sa Improvised
Explosive Device IED ang ginamit sa naturang pag-atake na pumutol sa daloy ng
koryente sa maraming bayan sa North Cotabato at Maguindanao kabilang ang
Cotabato City.
Naapektuhan sa pagsabog ang 138KV
Transmission Line ng NGCP na tumatahak sa nasabing lugar.
Naibalik ang serbisyo ng kuryente dakong
11:45 ng gabi.
Malaki ang paniniwala ng mga otoridad na
posibleng pangingikil ang motibo ng nasabing pagpapasabog na ngayon ay patuloy
pa ang ginagawang imbestigasyon. Rhoderick
Beñez
0 comments:
Mag-post ng isang Komento