(Kabacan, North Cotabato/ January 7, 2015)
---Inihayag ni Kabacan Mayor Herlo Guzman Jr. na patuloy pa rin ang trabaho ng
mga mangagagawa ng lokal na pamahalaan ng Kabacan sa kabila ng nangyaring
panloloob at panraransak sa Kabacan treasurer’s office.
Ayon kay Mayor Guzman, main office lamang ng
treasurer’s office ang sumasailalaim sa malalimang imbestigasyon ng Scene of
the Crime Operatives o SOCO kaya business as usual pa rin lalo na at maraming
mga negosyante ang nagre renew ng business permit ngayong buwan.
Tiniyak naman ng alkalde na patuloy ang
pagbabago at progresibong kaunlaran ng Kabacan at ng ibat ibang baranggay sa
susunod na mga taon.
Samantala, nanawagan si Municipal Treasurer
Prescila Quiñones sa mga mamamayan at negosyante ng Kabacan na sana’y
maintindihan ang sitwasyon hinggil sa panraransak ng Kabacan Treasurer’s
office.
Sa eksklusibong panayam ng DXVL news tiniyak naman ni Quiñones na
ginagawa nila nag lahat upang bantayan ang pera ng mga mamamayan at negosyante.
Inihayag din ni Quiñones ang saloobin na
sana’y magkaroon na sila ng gwardiya sa treasurer’s office upang mas mabigyang
seguridad ang kanilang opisina.
Matatandaan na umabot sa mahigit eight
hundred thousand pesos ang kabuuang halaga na natangay ng mga magnanakaw
kabilang na dito ang alahas, tseke at isang laptop na ginagamit nila sa mga
transaksyon. Christine Limos
0 comments:
Mag-post ng isang Komento