(Amas, Kidapawan City/ January 8, 2015) ---Matapos
ang mahigit limang buwang pakikinig sa radio ng mga magsasakang nag-aalaga ng
kambing at tupa, ginanap kamakailan (1/7/15) ang graduation bilang culmination
program ng School-on-the-Air on the Halal Production of Small Ruminants sa Agricultural
Training Institute sa USM Kabacan.
Humigit kumulang sa 500 ang grumadweyt sa
SOA na kinabibilangan ng mga magsasaka mula sa Sultan Kudarat at Cotabato Province.
Naging topnotcher si Marites Bautista ng New
Bugasong, Matalam sa mga graduates ng lalawigan ng Cotabato. Grand raffle prize
winner naman ng isang module ng kambing si Teresita Nania ng Poblacion, Pres.
Roxas na binubuo ng isang ready to breed na bulugang kambing at apat na
dumalagang kambing na mula sa Office of the Provincial Veterinarian.
Ang top five winners ay tumanggap ng
tig-iisang kambing at ang top 6 to 10 naman ay magiging recipient ng roll over
scheme na anak ng kambing na tig-iisang module mula sa grand prize winner.
Naging pangunahing tagapagsalita sa SOA
graduation sina Gerry Pagarigan, ang Livestock Focal Person ng ATI 12, Abdul
Dayaan, ang Center Director ng ATI 12, Dr. Cayetano Pomares, ang Vice President
for Research and Extension ng USM na siya ring naging lecturer sa SOA at si Dr.
Ruth Miclat Sonaco, ang National Focal Person ng ATI Livestock Program.
Ayon kay Provincial Agriculturist Eliseo
Mangliwan, mahalaga ang school-on-the-air upang matutunan ng mga magsasaka ang
halal production system ng kambing at tupa.
Matatandaang naging bahagi ng mga talakayan
sa halal production of small ruminants ang mga paksang katulad ng:
1.
Pasture
grasses and forage crop for goats
2.
Feeds
and feeding management
3.
Integrated
farming system
4.
Stock
selection, at
5.
Health
and disease management
Ayon kay Simona Pagarigan ng ATI, inaasahang
magkakaroon ng 30% adoptors sa mga grumadweyt na magpapatuloy sa halal
production system sa kani-kanilang mga alagaing kambing na sya namang
imomonitor ng ATI at ng OPA upang maevaluate sa hinaharap.
Magiging model din
ng iba pang mga lalawigan ang pagsasagawa ng school-on-the-air on halal
production system dito sa lalawigan.
Suportado naman ni Governor Emmylou
Taliño-Mendoza ang ganitong aktibidad para sa kapakanan ng mga magsasaka sa
lalawigan ng Cotabato bilang bahagi ng Serbisyong Totoo program. Ruel Villanueva
0 comments:
Mag-post ng isang Komento