(North Cotabato/ January 6, 2015)
---Nagpapatuloy ngayon ang pursuit operation ng militar laban sa grupong
Bangsamoro Islamic Freedom Figthers o BIFF matapos makubkob ang kampo ng mga
ito sa Sitio Pedtad, Brgy Midpandacan, General Salipada K. Pendatun,
Maguindanao kahapon.
Sinabi ni 6th ID spokesperson Joan Petinglay
ginawa ang law enforcement operation ng militar at pulisya kontra sa nasabing
grupo matapos ang panghaharas ng BIFF sa dalawang detachment ng 33IB sa
Maguindanao noong linggo.
Dahil dito, mas pinaiigting pa ng militar ang
kanilang kampanya kontra BIFF at sa posibleng paghiganti ng BIFF sa tropa ng military.
Napag-alaman mula sa tagapagsalita ng 6th
ID na ang nakubkob na kampo ng BIFF ay sinasabing lugar na pagawaan nila ang
Improvised Explosive Device o IED at training ground ng mga ito.
Narekober din ng mga otoridad na may 50 mga
kubo na may mga barikada, at mga over head bunkers sa nasabing kuta ng BIFF. Rhoderick Beñez
0 comments:
Mag-post ng isang Komento