(North Cotabato/ January 6, 2015) ---Maagang sinalubong
ni kamatayan ang isang siyam na taong gulang na batang babae nang tamaan ito ng
ligaw na bala sa lalawigan ng Maguindanao.
Nakilala lamang ang biktima na si alyas Meme, residente
ng Barangay Gumagadong, Calawag, Parang, Maguindanao.
Sa ulat na nakarating sa pamunuan ni Parang chief of
police S/Insp Ganny Miro na nagsagawa sila ng operasyon laban sa most wanted
criminal na si Cader Dagadas ngunit bago pa man sila makarating sa lugar ay
pinaputukan na sila ng mga suspek.
Tumagal ng 30 minutong palitan ng putok sa magkabilang
panig gamit ang matataas na uri ng armas.
Agad namang tumakas ang grupo ni Dagadas nang matunugan
ang karagdagang pwersa ng mga pulis at sundalo.
Nakahandusay na ang biktima na naliligo sa kanyang
sariling dugo at wala ng buhay nang makita malapit sa tahanan ni Dagadas.
Kaugnay nito, ipinag-utos ni Parang mayor at Dr. Ibrahim
Ibay ang masusing imbestigasyon hinggil sa sinapit ng biktima. Rhoderick Beñez
0 comments:
Mag-post ng isang Komento