(Kabacan, North cotabato/ January 20, 2015) ---Tiniyak ng Department
of Labor and Employment o DOLE 12 na matatamasa ng mga kasambahay ang kanilang
mga karapatan alinsunod sa ipinatupad na Kasambahay Law.
Ang Batas Kasambahay o Kasambahay Law, RA 10361 ay naipatupad
noong Hunyo 4 taong 2013.
Malaking pag-usad ito dahil sa tinagal- tagal ng panahon at sa
dami ng mga taong naghahanap- buhay bilang kasambahay, ngayon lang naisabatas
ang mga karapatan ng isang kasambahay at ng kanilang amo.
Ayon
sa panayam ng DXVL NEWS kay Technical Support Services Division Head ng DOLE 12
Ruby Carrasco kabilang umano sa mga karapatan ng mga kasambahay ang makakain 3
beses sa isang araw, ang magkaroon ng sapat na tulugan, medical assistance,
privacy, at access to outside communication at kung maari daw umano ay
magkaroon din sila ng access to education and training at iba pa.
Inihayag din ni Carasco ang rate ng pasahod sa mga
kasambahay depende sa munisipalidad.
VC:
Carasco 1
Nanawagan din si Carasco sa mga kasambahay na
minamaltrato ng mga amo na maaring magsumbong sa mga opisina ng DOLE 12. Christine
0 comments:
Mag-post ng isang Komento