Masusing imbestigasyon sa pagkakaransak ng Treasurer’s Office ng LGU Kabacan, ipinag-utos na ng alkalde

(Kabacan, North Cotabato/ January 6, 2015) ---Agad na ipinag-utos ni Kabacan Mayor Herlo Guzman Jr. ang masusing imbestigasyon sa pagkakaransak ng treasurer’s Office ng LGU Kabacan.

Ito ang sinabi ng opisyal sa panayam sa kanya ng DXVL News kungsaan hinihintay niya ngayon ang resulta ng imbestigasyon ng Kabacan PNP at ng SOCO team.

Sa ngayon hindi pa masabi ng alakalde kung may nangyaring inside job, o anumang sabwatan sa loob kung paanu nakapasok ang mga magnanakaw an nalaman na may malaking halaga ng pera sa loob.

Tiniyak naman ng alkalde na hindi maaapektuhan ang anumang transaksiyon sa munisipyo dahil sa nasabing pangyayari.

Pinaigting na rin ng kapulisan ang pagbabantay sa paligid at sa buong compound ng munisipyo. Rhoderick Beñez