(Kabacan, North Cotabato/ January 9,
2015) ---Aksidenteng narekober ng ilang empleyado ng LGU Kabacan ang mga
tesekeng ninakaw ng mga kawatan sa Treasurers Office sa kanal sa harapan ng
Kabacan Pilot Elementary School dakong alas 9:20 ng umaga kahapon.
Nadiskobre ang mga tseke ilang oras
palang ang nakakaraan matapos ang bomb scare na malapit lang din sa nasabing
lugar.
Ayon kay PCI Ernor Melgarijo, hepe ng
Kabacan PNP sa panayam ng DXVL, maari umanong nadala lamang ito ng tubig kanal
sa nasabing lugar at hindi tlaga ito doon itinapon ng mga salarin.
Diin pa ng opisyal na kanilang
tinitingnan ang lahat ng posibilidad at mga ebidensiyang maaring magiging daan
sa pagkakakilanlan ng mga kawatan.
Agad namang nagtungo ang SOCO para sa
eksaminasyon at inspeksiyon kung ito ba ang lahat ng tesekeng tinangay ng mga
kawatan.
Tinitingnan din nila ang mga kopya ng
CCTV recordings ng mga malalapit na establisyemento sa lugar na pupwedeng
nakahagip sa pagtapon ng nasabing teseke ng mga suspek. Mark Anthony Pispis
0 comments:
Mag-post ng isang Komento