 |
| Courtesy: FB of Graceshine |
(North
Cotabato/ January 19, 2015) ---Patay ang isang 21-anyos na lalaki makaraang
makabangga ang sinasakyang motorsiklo nito sa isang Hummer Jeep sa nangyaring
aksidente sa highway ng Kinuskusan, Bansalan, Davao del Sur kamakalawa.
Kinilala
ang biktima na si Ariz Gotoman Obedencia na isang field agronomist na taga
Salunayan, Midsayap, North Cotabato.
Sa FB
ng kanyang kasintahan na si Graceshine Alicaba, mula sa bayan ng Kabacan si
Obedencia at patungo sana sa Digos City sakay ng kanyang XR 125 na motorsiklo
nang makasalpukan ang isang Luxury SUV na hummer pasado alas singko ng hapon
noong Biyernes.
Ayon
kay Alicaba, tumilapon ang kanyang kasintahan ng abot sa 15 metro dahil sa
impact.
Bagama't
walang sugat sa ulo dahil sa suot na helmet, matinding sugat at pasa sa ibat
ibang bahagi ng kanyang katawan ang naging sanhi ng kamatayan ni Obedencia.
Sa ngayon
nasa kanilang bahay na sa bayan ng Midsayap ang labi ng biktima habang nasa
himpilan naman ng pulisya sa Bansalan ang driver ng Hummer na buhat sa
lalawigan ng Sultan Kudarat. Rhoderick
Beñez
0 comments:
Mag-post ng isang Komento