Welcome Class 2015

Welcome Class 2015

Sa lahat ng mga sumuporta sa ating programa at aktibidad sa ika-siyam na taong anibersaryo ng DXVL FM! Maraming Maraming salamat po sainyu! Sa aming mga sponsors at mga mga naging katuwang sa Tree growing Activity, Bloodletting Activity at sa Hatawan Para sa Batang Nangangailangan, taos puso po kaming nagpapasalamat… hanggang sa susunod na taon Kakoolitan…

DXVL Staff

...

GPH-MILF panels, OPAPP sasagot sa mga pangunahing tanong patungkol sa BBL

AMAS, Kidapawan City (Jan 9) – Upang madagdagan pa ang kaalaman ng mamamayan ng Cotabato at masagot ang ilang mga mahahalagang katanungan patungkol sa Bangsamoro Basic Law o BBL at sa itatatag na Bangsamoro Government, pangungunahan ng Provincial Government of Cotabato ang isang forum na Provincial Information, Education and Communication on BBL.

Gagawin ang aktibidad sa Rooftop ng Provincial Capitol Building sa January 13, 2015 kung saan mismong mga panelists ng Government of the Republic of the Philippines-Moro Islamic Liberation Front o GPH-MILF at mga personnel mula sa Office of the Presidential Adviser on the Peace Process o OPAPP.

Ayon kay Gov. Emmylou “Lala” J. Taliño-Mendoza, maganda ang layunin ng Bangsamoro Government dahil nais nito na makamit ang pangmatagalang kapayapaan sa Cotabato at sa buong Mindanao.

Ngunit kailangan rin daw na malinawan ang mga mamamayan sa mga pangunahing katanungan patungkol sa BBL at Bangsamoro Government, ayon pa kay Gov. Taliño-Mendoza.

Ilan rito ay kung ano ang mangyayari sa mga barangay sa Cotabato Province na magiging bahagi ng Bangsamoro Core Territory at kung papano ang magiging sistema ng pamamahala sa naturang mga barangay.

Sinabi ng gobernadora na ito na ang pagkakataon ng mga Local Government Officials at iba’t-ibang sektor sa lalawigan ng Cotabato na marinig ang kanilang saloobin sa BBL at Bangsamoro Government.

Mahalaga raw, ayon pa sa gobernadora na mapaliwanag sa mamamayan ang magiging epekto ng Bangsamoro Government lalong lalo na sa usapin ng karapatang pantao, ekonomiya at lalo na ng kapayapaan. (JIMMY STA. CRUZ/PGO Media Center)




0 comments:

Mag-post ng isang Komento