(North Cotabato/ January 26, 2015) ---Sinimulan
na noong Sabado ang early registration ng Department of Education na nagkaroon
ng motorcade at launching program noong Byernes sa Midsayap North Cotabato
bilang hudyat ng pagsisimula ng early registration sa buong lalawigan ng
Cotabato.
Sa panayam ng DXVL news kay Cotabato Schools
Division Superintendent Omar Obas, inihayag nitong ang naturang launching
program ay sinuportahan at dinaluhan ng mga representative galing sa provincial
government, municipal government ng Midsayap, PTA officials at ng ibang
municipal officials na galing sa ibang bayan ng lalawigan ng Cotabato.
Ipinaliwanag ni Obas na ang early
registration ay mula sa kinder garten hanggang highschool. Aniya, ang kailangan
lang dalhin para sa kinder garten ay birth certificate at sa ibang level ay
magpapalista lamang ng pangalan.
Dagdag pa ni Obas na mas pina aga ang
registration upang mas mapaghandaan nang mabuti ang allocation sa mga guro,
school buildings at mga textbooks para sa mga estudyante.
Inihayag din ni Obas na ang mga hindi nakapalista sa early registration
ay tatanggapin pa rin ngunit din na masasali sa allocation ng paaralan. Christine
Limos
0 comments:
Mag-post ng isang Komento