DOH 12, ikinadismaya ang mataas na bilang ng mga biktima ng paputok

(North Cotabato/ January 2, 2015) ---Sa kabila ng kampanya ng Department of Health o DOH 12 ng iwas paputok sa pagsalubong ng bagong taon, mas mataas naman ang nabiktima nito ngayong pagpasok ng 2015.

Ayon kay Department Of Health Regional Director Dr. Teogenes Baluma umabot na sa 93 cases ang nabitkima ng paputok sa rehiyon sa pagsalubong ng bagong taon, sa ginawang monitoring ng ahensya hanggang alas sais ngayong umaga.

Sinabi ni Baluma na mas mataas ng 50 percent ang bilang ng mga biktima ng fire cracker ngayon taon kumpara noong 2013.

Aniya, nakapagtala ng pinakamataas na bilang ng mga nasabugan ng puputok ang North Cotabato, sinundan ng South Cotabato, General Santos City, Sultan Kudarat at Saranggani.

Nabatid na karamihan sa mga biktima mula nasabing bilang, ay pawang mga menor de edad at karamihan ay mga lalaki.

Sa bayan ng Kabacan, Samantala, masayang ibinalita ni Health Emergency and Disease Surveillance Coordinator Honey Joy Cabellon ng RHU Kabacan na nakapagtala ang bayan ng Kabacan ng Zero Fire Cracker Incident ngayong taon.

Kumpara noong nakaraang taon na may tatlong biktima ng paputok na karamihan at mga bata at dahil yan sa piccolo.

Sa Pamabansang talaan naman ng Kagawaran ng kalusugan mababa ang naging bilang ng mga biktima ng paputok ngayon kung ikumpara sa nakalipas na pagsalubong ng bagong taon.

Batay sa ulat ni Department of Heath (DOH) Sec. Janette Garin, mula Disyembre 21, 2014 hanggang kaninang umaga ay umabot lamang sa 351 ang bilang ng mga nasugatan dahil sa paputok sa buong bansa.

Mas mababa aniya ito ng 39 percent kung ikumpara sa kahalintulad na period noong nakalipas na taon na umaabot ng 578 cases.

Ito aniya ito na ang pinakamababang record ng DOH sa nakalipas na limang taon. Rhoderick Beñez