(Kabacan, North Cotabato/ January 7, 2015)
---Magsisimula na ngayong araw ang Business One Stop Shop o BOSS ng LGU Kabacan
na taunang isinasagawa para sa mga kukuha at magrerenew ng kanilang Business
Permit sa loby ng Municipal Hall.
Ayon kay LGU Kabacan Administrative Officer
Cecilia Facurib, magtatapos ang nasabing programa sa Pebrero a-7 sa susunod na
buwan.
Dagdag pa ng opisyal na inaasahan nilang
nasa humigit kumulang isang libong establisyemento ang kukuha ng bagong
Business Permit ngayong taong 2015 mula sa humigit kumulang 8 daan noong
nakaraang taon 2014.
Layon ng programa na mas mapadali ang
proseso ng mga negosyanteng kukuha at magrerenew ng Business Permit, sapagkat
nasa iisang lugar nalang ang mga Departamentong pipirma sa nasabing papeles.
Hinihikayat din ni Facurib ang lahat ng
negosyanteng wala pang kaukulang permit ang kanilang establisyemento na kumuha
na nito.
Dagdag pa nito na magbibigay naman umano
sila ng ekstensyon sa mga hindi makakahabol subalit kung mamari habang maaga
pay kumuha na nang makaiwas sa penalidad.
Ang programang ito ay naipatupad sa pamunuan
ng LGU Kabacan sa pangunguna si Mayor Herlo Guzman Jr. na bahagi ng kanyang
adbokasiyang Unlad Kabacan. Mark Anthony
Pispis/ DXVL News
0 comments:
Mag-post ng isang Komento