(Kabacan,
North Cotabato/ January 27, 2015) ---Natagpuang patay ang isang binata sa
Sestoso Miki Factory partikular sa Doňa Aurora Street, Poblacion, Kabacan, Cotabato
alas 3:30 kaninang madaling araw.
Kinilala
ang biktima na si Alvin Macaya Basaňes, 20 anyos, binata, trabahante ng
nasabing pagawaan at residente ng Layangan, Sarayan, Matalam, Cotabato.
Ayon
sa inisyal na report ng Kabacan PNP, natagpuang patay umano ito ng kanyang
pinsan sa kanilang pinagta- trabahuan na pinangalanang si Wilben Basaňes
Talindong, 19 anyos, binata, at residente din ng nasabing lugar.
Batay
sa ulat, alas 4 ng umaga kahapon ay nagreklamo umano ang biktima kay Talindong
na nakaramdam umano ito ng pananakit ng ulo at mga kasu-kasuan pero agad din
umano itong uminom ng paracetamol.
Agad
namang sumangguni ang tanggapan ng pulisya sa Rural Health Unit ng Kabacan
upang masuri kung ano ang tunay na dahilan ng pagkamatay ng biktima.
Sa
ngayon, nakahimlay ang labi ng biktima sa Villa Jusa Funeral Homes, Barangay
Osias, Kabacan Cotabato habang patuloy ang malaliman pang imbestigasyon. Rizalyn
H. Launio
0 comments:
Mag-post ng isang Komento