(North Cotabato/ January 2, 2015) ---Tatlo ang naiulat
na biktima ng stray Bullet mula sa Cotabato City, North Cotabato at Saranggani
Province.
Ito ayon kay Department Of Health Regional Director Dr.
Teogenes Baluma na isa sa biktima nito ay isang tatlong taong gulang na bata na
natamaan ng ligaw na bala sa kanyang kaliwang mata sa kasagsagan ng pagsalubong
ng bagong taon.
Ang bata ay residente ng Tukananes, Poblacion 7,
Cotabato City.
Sa hiwalay na ulat ng Cotabato Police Provincial Office
o CPPO isa rin ang biktima ng stray bullet kasabay ng pagsabulong ng Bagong Taon sa
lalawigan ng North Cotabato.
Kinilala ang biktima na si Saddam Dadugan Makakena na tinamaan
ng bala sa kanyang kaliwang binti.
Sa ngayon ay patuloy na ginagamot sa bayan ng Midsayap
ang biktima na nasa maayos ng kondisyon.
Kapwa naman iniimbistigahan ng mga pulisya ang nasabing
insidente kung ano ang baril na ginamit at kung saan mismo nagmula ang ligaw na
bala.
Samantala, Kinumpirma naman ni Cotabato City PNP
Director Rolen Balquin ang pamamaril sa isang miyembro ng 6ID Philippine Army
na si PFC Racman pasado ala-6 na umaga kahapon.
Tinuturo namang suspek ang isang Lucas Kusain na matagal
ng tinutugis ng mga pulis dahil sa kasong carnapping at murder sa lungsod. Rhoderick Beñez
0 comments:
Mag-post ng isang Komento