(Kabacan, North Cotabato/ December 5, 2014)
---Tinambangan at pinagbabaril ng hindi pa matukoy na bilang ng mga suspek ang
barangay Chairman ng Pisan na si Capt. Nestor G. Ranay 38 anyos, may asawa at
residente ng nasabing barangay pasado alas dyes ng gabi kagabi.
Ayon sa report ng Kabacan PNP, nangyari
umano ang insidente sa mismong bahay ng biktima gamit ang kalibre .45 at M16
riffle.
Maswerte namang walang tinamaan ng bala sa insidente.
Sa ngayon patuloy paring iniembestigahan ng
mga otoridad kung sino ang salarin at ano ang kanilang motibo.
Konektado ka sa mga balita, USM devcom
intern, Charlene Joy basal, DXVL
news.
DXVL (Periodiko Express)
December 5, 2014
Ambulansya
at motorsiklo nagkabanggan, drayber ng motorsiklo sugatan
Sugatan ang drayber ng isang motorsiklo
matapos nitong banggain ang isang ambulansya sa kahabaan ng National Highway,
Matalam Cotabato, pasado alas dos kahapon ng hapon.
Sa imbistigasyon ng Matalam PNP, tinatahak
ng nasabing ambulansya na may plakang SGX 372 ang National Highway at nang
makarating ito sa may Purok 5, Brgy. Manubuan bayan ng Matalam ay aksidente
itong banggain ng isang SRM Sunriser na motorsiklo na plakang 1921 GP na
minamaneho ni Tapadan B. Tamangco residente ng nasabing bayan.
Ang nasabing ambulansya ay minamaneho ni Arly
Agustin Gualberto, 42 anyos at residente ng Ranzo, Carmen Cotabato at
napag-alaman na ito ay nakarehistro sa LGU Carmen.
Dahil sa lakas ng impak ay parehong
nagkaroon ng damage ang dalawang sasakyan.
Sa ngayon nasa kustodiya ngayon ng Matalam
PNP ang dalawang sasakyan habang nagpapatuloy ang ginawang imbestigasyon.
Kunektado ka sa mga balita, USM DevCom
Intern, Desiree Baylon , DXVL News
DXVL (Periodiko Express)
December 5, 2014
Ilang
pangunahing bilihin sa Kabacan Public Market, nanatili pa rin ang presyo
Halos nanatili pa rin ang presyo ng mga
pangunahing bilihin sa palengke ng Kabacan tulad ng bigas. Sa kasalukuyan ang
Masipag ay nagkakahalaga ng 40 pesos , V-64 40 pesos , Tonner 42 pesos , M-3 37
pesos, RC-18 38 pesos at Matatag 37 pesos.
Gayundin ang kilo ng manok nanatili pa rin
sa 140 pesos ang kilo, karne ng baka 200 pesos ang kilo , karneng baboy 160 ang
kilo, ang bangus naman ay 120 ang kilo, Budburon 120 ang kilo at Pusit 120 ang
kilo.
Samantala tumaas naman ang kilo ng gulay,
kung dati ang repolyo ay 50 pesos ang kilo ngayon 60 pesos ang kilo na, ang
carrots na 50 per kilo noon sa kasalukuyan ay 70 pesos per kilo na, ang petchay
na 5 pesos per tali ngayon 10 pesos per tali na, patatas ay 80 pesos per kilo, sibuyas
80 pesos per kilo, ang bawang na 100 pesos per kilo ngayon 150 pesos per kilo
na, luya 150 pesos per kilo at ang pansit ay nananatili pa rin sa 30 pesos per
kilo.
Patuloy na tututukan ng DXVL ang presyo ng
mga pangunahing bilihin ngayong nalalapit na ang kapaskuhan at bagong taon.
Kunektado ka sa mga balita, USM DevCom
Intern, Ruth Oyao , DXVL News
DXVL (Periodiko Express)
December 5, 2014
Christmas
break ng mga mag-aaral sa USM, sa December 18 na!
Inanunsyo ni USM Pres. Francisco Gil N.
Garcia na ang Christmas break ng estudyante sa Unibersidad ng Katimugang
Mindanao ay ngayong ika- labing walo ng Disyembre.
Samantala, ngayong ika-dalawamput tatlo naman
ng Disyembre ang Chistmas break ng mga kawani ng Unibersidad.
Una na din niyang sinabi na may matatanggap
na Christmas bonus ang mga kawani ng Unibersidad bagamat di pa niya sinabi kung
magkanu ang matatanggap.
Ang sinigurado niya ay magiging maligaya ang
bawat isa sa darating na Pasko.
Kunektado ka sa mga balita, USM DevCom
Intern, Mabeth Navarro , DXVL News
0 comments:
Mag-post ng isang Komento