(Pikit, Cotabato/ October 23, 2014) ---Magsasagawa
ng Unity Peace Rally ang iba’t-ibang sektor sa bayan ng Pikit, Cotabato ngayong
araw.
Ayon kay Pikit Mayor Muhyryn Sultan-Casi
layon ng nasabing aktibidad ang panawagan na magkaroon ng hustisya sa
nangyaring pagpapasabog sa UCCP Church na ikinasawi ng tatlo katao at
ikinasugat ng dalawang iba pa.
Magsisimula ang Unity Peace Rally alas 7:00
ngayong umaga na dadaluhan ng mga church leaders, iba’t-ibang grupo at sektor.
Bago ang Unity Peace Program ay magkakaroon
muna ng Unity Peace Motorcade sa mga pangunahing lansangan sa bayan ng Pikit.
Sinabi ng alkalde na sa kabila ng kaguluhan
sa bayan ay di pa rin naaapektuhan ang magandang samahan ng Kristiyano, Muslim
at ng mga lumad sa kanilang bayan.
Iginiit din nito na umaapela na sila ngayon
ng kaso sa suspek na responsable sa pagpapsabog na naging mungkahi nito sa
katatapos na Provincial Peace and Order Council Meeting. Rhoderick Beñez
0 comments:
Mag-post ng isang Komento