By: Rhoderick Beñez
(Amas, Kidapawan City/ October 28,
2014) ---Kasado na ang inilatag na “Oplan Kaluluwa 2014” ng Cotabato Police
Provincial Office para sa nalalapit na Undas ngayong taon.
Ito ang napag-alaman ng DXVL News kay
PSI Ramil Hojilla ang Chief Provincial Operation Branch ng CPPO.
May mga ipapakalat na silang pwersa
ng kapulisan sa iba’t-ibang sementeryo sa lalawigan ng Cotabato kasama na ang
mga simbahan at ilang mga matataong lugar kagaya ng terminal at merkado publiko
kungsaan dadagsa ang tao.
May nga Highway Patrol Group na rin
silang babantay sa mga lansangan sa lalawigan para sa assistance ng mga ba-biyahe
pauwi sa iba’t-ibang lugar para sa paggunita ng todos los santos, ayon pa kay
Hojilla.
Paalala pa nito na kung maari ay
mag-iwan ng isang tao sa bahay at kung di man maiwasan ay siguraduhing
naka-padlock ang bahay bago aalis o dadalaw sa mga sementeryo.
0 comments:
Mag-post ng isang Komento