By:
Ruel Villanueva
(Amas, Kidapawan city/ October 23, 2014) ---Upang
matulungang makabangon muli ang mga magsasakang nasalanta ng mga nakaraang
pagbaha, namahagi kamakailan (10/14-17/14) ang Provincial Government sa
pamamagitan ng Office of the Provincial Agriculturist ng 1,060 bags ng
certified palay seeds bilang ayuda sa mga magsasaka particular sa mga bayan ng
Pigcawayan, Aleosan at Pikit.
Ang mga binhi ng palay na naipamahagi ay may
katumbas na halaga na P1,272,000.00.
Malaki ang pagpapahalaga ng Pamahalaang
Panlalawigan sa pagtulong sa mga magsasakang apektado ng kalamidad upang sila
ay makapagtanim muli, katunayan libreng dekalidad na binhi ng palay ang
ipinamigay sa kanila.
Kung susumahin ay higit sa isanlibong
magsasaka ang nabahaginan ng libreng binhi ng palay.
Ang proyektong ito ay bahagi ng calamity
seeds assistance program ng lalawigan ng Cotabato. DXVL News
0 comments:
Mag-post ng isang Komento