By:
Mark Anthony Pispis
(Kabacan, North Cotabato/ September 17, 2014)
---Patuloy pa ngayong inaalam ng pamunuan ng Rural Health Unit ng Kabacan kung
tigdas nga ba ang dahilan ng pagkamatay ng isang taong gulang na bata sa Sitio Guisawaan,
Brgy. Nangaan, Kabacan Cotabato.
Kinilala ng RHU Kabacan ang biktima na si
Nasrudin Dagandal Lumambas, isang taon at anim na buwang gulang, Muslim at
residente ng naturang barangay.
Binawian ang bata nito pang Setyembre a-9.
Sa panayam ng DXVL News kay Disease Surveillance Coordinator
Honey Joy Cabellon, hindi pa kumpirmado kung talagang tigdas nga ang ikinamatay
ng biktima, pero ayon sa mga magulang nito ay naranasan umano ang bata ng mga
sintomas ng sakit na tigdas.
Ang mga sintomas ng tigdas ay ang
pagkakaroon ng fever o lagnat, rushes, at alinman sa tatlong C. ito ay ang
Cough o ang ubo, Coryza o runny nose at Conjunctivitis o Sore eyes.
Dagdag pa ni Cabellon na September 11 na
umano naireport ang naturang kaso at di na nila ito nakunan ng sample para
tuluyan ngang makumpirma kung tigdas nga ang ikinamatay ng biktima sapagkat
nailibing na umano ito.
Kunektado ka sa mga balita mula sa RHU Kabacan
0 comments:
Mag-post ng isang Komento