(Aleosan, North Cotabato/ August 27, 2014)
---Mas hinigpitan ngayon ng militar ang kanilang pagbabantay sa mga lugar na
madalas sinasalakay ng Bangsamoro Islamic Freedom Fighter o BIFF kasabay ng
pagtitiyak na walang dapat ikabahala sa panibagong pagsalakay ng ng BIFF sa
Barangay Dungguan, Aleosan, North Cotabato.
Ito ang ipinahayag ni 602nd Brigade
spokesperson Captain Calvin Makatangay kungsaan kanilang napaghandaan ang
anumang pag-atake ng BIFF dahil na rin sa mga naunang impormasyong kanilang
natatanggap mula sa intelligence reports.
Giit pa ng opisyal na nakalatag na ang
kanilang security measures sa mga bayan sa lalawigan ng North Cotabato at
Maguindanao na maaaring target ng pagsalakay ng BIFF.
Una rito, hinarass ng BIFF ang detachment ng
38th Infantry Battalion sa Aleosan pasado alas dose ng madaling araw kahapon.
Gayunman, wala namang naiulat na nasaktan o
nasawi sa nasabing insidente.
Isang Tato Tuaya ang sinasabing lider ng
grupong sumalakay at nakipagbarilan sa mga sundalo kasama ang mahigit sampung
iba pa. Rhoderick Beñez
0 comments:
Mag-post ng isang Komento