(Kabacan, North Cotabato/ August 28, 2014) ---Tukoy na ng
mga kapulisan ang pagkakakilanlan ng dalawang mga budol-budol gang na nahuli ng
mga otoridad nitong Martes ng tanghali dito sa Poblacion, Kabacan.
Kinilala ni Supt. Jordine Maribojo, hepe ng Kabacan PNP
ang dalawang mga naarestong budol-budol gang na sina: Alfredo Valdez, 65-anyos,
may asawa at residente ng Brgy. Dolo, Bansalan, Davao del sur at Anthony
Ancajas Corcuera, 32-anyos, kasado at residente ng Javier St., Rosary Heights
Subdivision, Cotabato City.
Nahuli ang mga suspek makaraang pagbentahan nila ang
isang biktimang kinilalang si Mau Jatico residente ng Poblacion, Kabacan ng
isang herbal product at pinapasok sa kanilang sasakyan kungsaan pinangakuan ang
biktima na kanilang ihahatid ng libre ang product kung magbibigay ito ng
P3,000.00.
Pero duda ang biktima, makaraang di na sumipot sa
kanilang napagkasunduang lugar ang mga suspek makaraang matangay ang pera nito,
kaya sa tulong ng mga otoridad ay na-intercept ang mga suspek sakay sa kanilang
starex kulay berde na sasakyan na may plakang KFF-885.
Sa ngayon nasa Kabacan PNP lock up cell ang mga suspek
kungsaan inihahanda na ang kasong isasampa laban sa mga ito. Rhoderick Beñez
0 comments:
Mag-post ng isang Komento