Kabacan MAO, nabigyan ng 300 bags ng Certified Palay Seeds matapos na kinilala bilang “Performing Municipality” ng DA XII

(Kabacan, North Cotabato/ July 24, 2014) ---Nabigyan ng abot sa 300 bags ng Certified Palay Seeds at 50 bags ng Registered Palay Seeds ang bayan ng Kabacan matapos na kilalanin ng Department of Agriculture Regional Office 12 bilang “Performing Municipality”.

Ito ang napag-alaman ng DXVL News kay Agricultural Technologist/ Report Officer Tessie Nidoy makaraang naging awardee ang LGU-Kabacan noong 2012 sa Agri Pinoy Rice Achievers.

Kabilang sa mga Kinilala sa Agri Pinoy Rice Achievers sa Agricultural Extension Workers Category ay sina: Sasong Pakkal, Genoveva Agcaracar, Aida Do-ong, Lorna Mapanao, Dionesia Mutoc, Tessie Nidoy, Emma Pagarigan at Marcela Tambio.

Samantala nitong 2013 tinalo ng LGU Lambayong ang Kabacan pero pasok pa rin ang limang mga Extension workers sa kaparehong kategorya na kinilalang sina: Pakkal, Agcaracar, Do-ong, Nidoy at Pagarigan.

Sanabi ni Nidoy na dahil sa nabanggit nabigyan na parangal ay nabigyan ng DA 12 ng abot sa 300 bags na Certified Palay Seeds at 50 bags ng Registered Palay Seeds ang bayan sa ilalim ng Pass-over Scheme Program na tinatawag na Community Seed Banking batay sa mga na-identify na Irrigators Association na benepisyaryo nito.

Ayon pa sa report officer ng MAO Kabacan na kabilang sa mga nabigyan ng 50 bags ng RS ay ang Bangilan IA at 28 naman sa Cuyapon IA.

Habang patuloy naman tinutukoy ng MAO ang ilan pang mga benepisyaryo nito. Rhoderick Beñez