(USM, Kabacan, North Cotabato/ July 24, 2014)
---Inireklamo ng ilang mga magulang ang diumano’y dagdag na paniningil ng
College of Agriculture at College of Business Development and Economics
Management sa kanilang Local Student Government o LSG fee.
Una na kasing sinabi ni USM President Dr.
Francisco Gil Garcia na kapag walang resolusyon at konsultasyon sa mga estudyante
ng University of Southern Mindanao bawal ang dagdag na paniningil sa mga ito
maliban lamang noong panahon ng enrollment.
Batay sa nasabing reklamo, nakalagay na rin
sa assessment form ng mga estudyante ang bayarin sa LSG fee sa panahon ng
enrollment bagay na inalmahan ng ilang mga magulang at mag-aaral ng kolehiyo
ang dagdag na bayarin.
Paliwanag naman ni CA-LSG Governor Ronie
Españo na aprubado naman ang kanilang dagdag na singil batay sa resolusyon na
kanilang binalangkas sa University Student Government at aprubado ni USG Pres.
Jacklyn Garcia.
Pero ang sinasabing paniningil ng abot sa
P500 sa bawat CA students, itinanggi ng estudyanteng opisyal.
Aniya P350 lamang ang kanilang sinisingil
kasama na dito yung P100 na emergency fund na una ng nabayaran ng mga
estudyante sa admin.
Samantala sa panig naman ng CBDEM, ini-isa-isa
ni CBDEM LSG Governor Dexter Jade Buday ang breakdown ng mga babayarin ng mga
estudnyante ng kolehiyo kaugnay sa dagdag na paniningil nila sa LSG fee.
Aniya umaabot ng mahigit sa dalawang libu
ang mga amg-aaral ng CBDEM kaya hindi sapat ang LSG fee na P100 na kanilang
ibinayad sa admin.
Bukod doon, wala ding mapagkukunan ng pondo
ang koliheyo para sa acquaintance party nila maliban pa sa babayarin sa
Department of Equipment na umaabot ng P47.00; Department of Socio-Cultural na
P186.00 at Department of Extension and Services P17; Department of Student
Welfare P6.25; Department of Information P7.75 at kanilang contingency plan.
Samantala, sa kabila ng wala pang ipinalabas
na kalatas si USM Pres. Dr. Francisco Garcia na aprubado na ang kanilang
paniningil ng dagdag na bayarin, umarangkada na rin ngayon ang kanilang
pagsingil sa mga estudyante. Rhoderick
Beñez
0 comments:
Mag-post ng isang Komento